مقارنة بين البنت الهاى كلس والبنت اللو كلس

استعرض الموضوع السابق استعرض الموضوع التالي اذهب الى الأسفل

مقارنة بين البنت الهاى كلس والبنت اللو كلس

مُساهمة من طرف whiteangel في الإثنين يوليو 12, 2010 8:03 am

جبتلكم النهاردة
مقارنة بسيطة بين البنت الهاى كلاس (الناعمة)
والبنت اللو كلاس (البيئة او اللوكال)


البنت الناعمة _الهاي كلاس

طبعاً البنت دي وهي نايمة في اودتها الدبدوب والأرنوب كلهم في حضنها وإذا قامت من النوم ما تقومش إلا الساعة 3العصر واللي تصحيها من النوم الشغالة وطبعاً تكلمها بالإنجليزى بترجم لكم ايه قالت لها الخدامة الفليبينية .. تقول "قومي ماما وقت كتير تأخير" .. والناعمة أول ما تصحى من النوم تفتح الستارة والشباك علشان تهوى الاوده وشغلت موسيقى رومانسية علشان يكون الجو رايق وتاخذ شاور محترم بلوكس شاور جيل وبعد ما تطلع من الحمام على المراية تحط من كريمات وافشخنات .. لازم تحافظ على البشرة .. خلصت من المراية تقوم ماسكه السشوار وبعدين تلبس البنطلون الجنز والبلوزة .. وتنزل تاكل الفطار اللي يكون عبارة عن دونتس وعصير برتقال

البنت االلوو كلاس - بيئة يعني

تقوم الساعة 8 الصبح وهي مش عايزة تقوم وتدخل أمها عليها الاوده وتصرخ عليها قومى قومى يابت انتى لسه نايمه نامت عليكى حيطه ترد البنيه .. الله بقى يا امه ما تفكك منى بقى شويه وهقوم وتقعد تأفففففففف ويطلع من بؤها نار .. ده غير انها وهي نايمة كل دقيقة تقع من على السرير ده لو كان سرير اصلا .. وبعدين يدخل أخوها الصغير ويصرخ ويجعجع يالله كفاية نوم .. ترد عليه : أطلع من الاوده ياااد احسن اقوم ارقعلك سداغك وارميك من الشباك دلوقتي .. المهم أخوها اللي أكبر منها يروح لها الاوده يرفسها وبعد الرفسة الجامده دي تصحى من النوم

البنت الناعمة _الهاي كلاس

ما تتغداش إلا الساعة 4 ولا 5 ومتتغداش إلا على سوتيه وبانيه مشا عارف ايه مسلوق وسلطة تحافظ على رشاقتها

البنت اللوو كلاس - بيئة يعني

تتغدا الساعة 12 بالضبط ومتتغداش ملوخيه وعيش بلدى وحلو اوى كده وتقوم شاربالها ازازه بيبسى من ام 75 قرش اهى حاجه تملى بقيت الفراغ الى فى بطنها.. وما تسمعش بعدها إلا أصوات مخيفة

البنت الناعمة _الهاي كلاس

خروجها بيكون من بعد المغرب ما بتخرجش العصر تحافظ على البشرة من ضوء الشمس

البنت اللوو كلاس - بيئة يعني

تطلع الساعة 2 العصر تروح لبيت قرايبها لحد ما تسود والشمس تحمصها

البنت الناعمة _الهاي كلاس

تروح " أون ذا رَن " أو أي كافيه وقبل ماتخرج تروح على الكوافير تحط الميك أب

البنت اللوو كلاس - بردو بيئة يعنى

تحط كحل يملى العين والروج تقول ما كلة بيعمل كده ،واهى اى حاجه تفرح العيال وإذا خرجت اخرها العتبة

البنت الناعمة _الهاي كلاس

لو عايزة تضحك تضحك تقول ( هههههههههه) وإيديها على بوقها من الخجل والضحكة من الصعب إنك تسمعها

البنت االلوو كلاس - بيئة يعني

نياها ها ها ها .. هع هع هع... والحاره الثانية تسمعها

البنت الناعمة الهاي كلاس

لما تحب تسمع أغاني متسمعش عربي متسمعش إلا ريكي مارتن وانريكى طبعاً لانه حلو وممثلها المفضل توم كروز وميل جبسون لوسامتهم وجيم كاري لخفة دمه

البنت اللوو كلاس - بيئة يعني

ممثلها المفضل شعبان عبد الرحيم ومطربها المفضل شعبان عبد الرحيم برضه

البنت الناعمة _الهاي كلاس

لما تتفرج على التلفزيون تقعد على الكرسي وتحط رجل على رجل وتبتسم لأن الإبتسامة تضفي بشاشة على الوجه

البنت اللوو كلاس - بيئة يعني

تترمي على الأرض وتحط راسها على المخدة وتمد رجلها وتحطها على التلفزيون ولو عايزة تغير القناة تضرب التلفزيون برجلها وتغير القناة

البنت الناعمة _الهاي كلاس

لما تيجي تحلم.. تحلم أحلام اليقظة تخرج في جنينة بيتهم وتقعد على الكرسي الهزاز و الكرسي يروح ويرجع

البنت االلوو كلاس

تيجي في الحوش وتمد السجادة اللي فيها خمسة وثلاثين لون أحمر وأسود وأبيض وجابت كوبايه ستة متر متروسة شاي

البنت الناعمة _الهاي كلاس
بتقولكم شاو
البنت اللو كلاس - بيئة يعنى
بتقولكم فتكم بعافقية يا جدعان

بس انا شايفة ان البنات اللو كلاس مش موجدين الا في الارياف او لو كانو هنا بيبقوا قليييييل
و انا شايفة نفسي ولا كدة ولاكدة


white angel مع تحيات


www.chaucer.arabstar.biz

avatar
whiteangel
مشرفه

عدد المساهمات : 19
تاريخ التسجيل : 11/07/2010
الموقع : http://chaucer.arabstar.biz

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مقارنة بين البنت الهاى كلس والبنت اللو كلس

مُساهمة من طرف (medo) في الإثنين يوليو 12, 2010 8:27 am

ههههههههههههههههههههههههههه جميله جدا
avatar
(medo)
مشرف
مشرف

عدد المساهمات : 58
تاريخ التسجيل : 11/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى